Translations of the Manifesto

Numeros crescente de gente es a rediscoperir lor amor pro le Dea. Primo, iste amor semblarea non plus que un sentimento internal. Sed gradualmente illo disveloppa; illo devini un desiro de adjutar le Dea activemente in le manifestation de Su plano divin. Assi, on audi tal questiones como, "Como pote io reciper initiation al mysterios del Dea?", "Como pote io attinger communion plus intime con Ella?", "Ubi es Su templos et devotos le plus proxime?", "Como pote io unir me in le sacerdotio del Dea?", e multe altere tal questiones similar.

On ha fundite le Association De Isis pro responder a iste besonios. Adhesion forni le ressources pro promover un communion intime inter le Dea et cata membro, sia individualmente, sia in un gruppo plus large. Le Association esseva establite in 1976 par Sr Lawrence, Sra Pamela, et Sra Olivia Durdin-Robertson. Hodie, il ha centos de Iseumes, et milles de membros, in omne partes del mundo. Amor, Beltate, et Veritate realisa se in iste Association que es multi-religiose, multi-cultural, et multi-racial. On honora le Bon in omne traditions spiritual. Le Association De Isis non ha affiliations specific.

Le Association ha organisate se democraticamente. Omne membros habe privilegios equal intra le Association, sia como un membro solitari, sia como membro de un Iseum o Lyceum. Iste Manifesto se refere etiam al "societates filia": le Collegium Isidis ["Collegio De Isis" -nota de traducitor], le Societate Nobile De Tara, et le Clan Druidic De Dana.

Le Association respecta le libertate de conscientia de omne membros. Illo non exige votos, o secretessa. Omne activitates et eventos del Association es optional, et membros es libere a dimitter se, sine question. Le Association non exige derectos; adhesion es gratuite.

Le Association revera omne manifestationes del Vita. On venera etiam le Deo. Le Ritos del Association exclude omne genere de sacrifico, sia real, sia symbolic. Le Natura es conservate con reverentia. Le obra del Societate Nobile De Tara concerne le conservation del Natura.

Le Association De Isis accepte toleration religiose, et non practica exclusion. Membros del Association es libere a retener lor fidelitate a altere religiones. Personas de alicun religion o tradition o racia es benvenite a unir se in le Association. Infantes (apellate "Infantes De Isis") es benvenite, con consentimento del parentes.

Le Association crede al promotion de Amor, Beltate, et Abundantia. On non incoragia le asceticismo. Le Association cerca a disveloppar le benevolentia, le felicitate, le talentos psychic, et le compassion pro omne vita. Le Clan Druidic De Dana disveloppa le talentos psychic, le quales es le donos de la Natura.

Le "Collegium Isidis" [i.e. "Collegio de Isis" --nota de traductor] ha reanimate se et ha revenite, pois que illo esseva supprimete ante 1.500 annos. Como "Aset Shemsu", le Association De Isis ipse, le Collegium ha sempre continuate de viver in le Planes Subtil. Ex iste Planes Subtil, le revenir del Collegium Isidis ha essite inspirate. Le Lyceumes del Collegium Isidis confere le Diplomas de Magia. Le Sacerdotio del Association forni cursos de instruction par correspondentia. Il ha ni votos nec secretos.

Le Iseum es le focar ver del Dea, o del Dea et Deo, a Qui illo es consacrata. On enumera le Iseumes et Lyceumes (centros de inseniamento del Collegium Isidis). Le Priorias de Tara, et le Boschettos de Dana es etiam regularmente enumerate. Omne iste centros, es pro membros del Association De Isis solmente.

Prestressas, Prestres, omne membro, habe honor equal. Prestressas et Prestres labora con le Dea (o Dea et Deo) de lor proprie credentia. Omne esser human, animal, ave, et arbore, es proles eternal del Divin Famiglia de Vita del Matre Dea.